ಹಳೆಯ PF ಖಾತೆಯನ್ನು ವರ್ಗಾಯಿಸದಿದ್ದರೆ ಆಗುವ ನಷ್ಟವೇನು? ಪ್ರತಿ ಉದ್ಯೋಗಿ ತಿಳಿದಿರಬೇಕಾದ ಸಂಗತಿ ಇದು !

How To Transfer PF Account:ಕೆಲಸ ಬದಲಾಯಿಸಿದರೂ ಪಿಎಫ್ ಖಾತೆಯನ್ನು ಬದಲಾಯಿಸದೇ ಹೋದರೆ ಉದ್ಯೋಗಿಗಳಿಗೆ ಆಗುವ ನಷ್ಟ ಏನು? ಯಾವ ಕಾರಣಕ್ಕೆ ಹಳೆಯ ಖಾತೆಯನ್ನು ಹೊಸ ಖಾತೆಯೊಂದಿಗೆ ಸೇರಿಸಬೇಕು ಎನ್ನುವ ಮಾಹಿತಿ ಇಲ್ಲಿದೆ. 

ಪ್ರತಿ ತಿಂಗಳು ನೌಕರರ ಭವಿಷ್ಯ ನಿಧಿಗೆ (EPF) ಹಣ ಜಮಾ ಮಾಡಲಾಗುತ್ತದೆ

• ಉದ್ಯೋಗಿಗಳಿಗೆ ಇದು ಅತ್ಯಂತ ವಿಶ್ವಾಸಾರ್ಹ ನಿವೃತ್ತಿ ಉಳಿತಾಯ ಯೋಜನೆಯಾಗಿದೆ.
• ಹಳೆಯ ಇಪಿಎಫ್ ಖಾತೆಯನ್ನು ಹೊಸ ಕಂಪನಿಗೆ ವರ್ಗಾಯಿಸಬೇಕಾಗುತ್ತದೆ
• How To Transfer PF Account : ನೀವು ಸಂಬಳ ಪಡೆಯುವ ವರ್ಗವಾಗಿದ್ದು,  ಪ್ರತಿ ತಿಂಗಳು ನೌಕರರ ಭವಿಷ್ಯ ನಿಧಿಗೆ (EPF) ಹಣ ಜಮಾ ಮಾಡುತ್ತಿದ್ದರೆ, ಈ ಸುದ್ದಿ ನಿಮಗೆ ಉಪಯುಕ್ತವಾಗಿರಲಿದೆ. ಉದ್ಯೋಗಿಗಳಿಗೆ ಇದು ಅತ್ಯಂತ ವಿಶ್ವಾಸಾರ್ಹ ನಿವೃತ್ತಿ ಉಳಿತಾಯ ಯೋಜನೆಯಾಗಿದೆ. ಇದು ತೆರಿಗೆ ವಿನಾಯಿತಿ ಮತ್ತು ಉತ್ತಮ ಬಡ್ಡಿದರಗಳನ್ನು ನೀಡುತ್ತದೆ. ಒಂದು ವೇಳೆ ನೀವು ನಿಮ್ಮ ಕೆಲಸವನ್ನು ಬದಲಾಯಿಸುವಾಗ ನಿಮ್ಮ ಹಳೆಯ ಇಪಿಎಫ್ ಖಾತೆಯನ್ನು ಹೊಸ ಕಂಪನಿಗೆ ವರ್ಗಾಯಿಸಬೇಕಾಗುತ್ತದೆ. ನೀವು ನಿಮ್ಮ ಕೆಲಸವನ್ನು ಬದಲಾಯಿಸಿಯೂ ನಿಮ್ಮ ಹಳೆಯ ಇಪಿಎಫ್ ಖಾತೆಯನ್ನು ಹೊಸ ಕಂಪನಿಗೆ ವರ್ಗಾಯಿಸದಿದ್ದರೆ, ಹಳೆಯ ಖಾತೆಯ ಮೇಲೆ ನಿಮಗೆ ಬಡ್ಡಿ ಸಿಗುತ್ತದೆಯೇ? ಅಥವಾ ನೀವು ಹೆಚ್ಚಿನ ಆದಾಯವನ್ನು ಕಳೆದುಕೊಳ್ಳುತ್ತೀರಾ? ಏನು ಹೇಳುತ್ತದೆ ಪಿಎಫ್ ನಿಯಮ? 

ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ವಾಟ್ಸಾಪ್ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಇಪಿಎಫ್ ಖಾತೆಯನ್ನು ವರ್ಗಾಯಿಸದಿದ್ದರೆ ಏನಾಗುತ್ತದೆ? : 
ನೀವು ಉದ್ಯೋಗ ಬದಲಾಯಿಸಿದಾಗ, ಇಪಿಎಫ್ ಖಾತೆಯು ಸ್ವಯಂಚಾಲಿತವಾಗಿ ಹೊಸ ಕಂಪನಿಯಾ ಖಾತೆಗೆ ವರ್ಗವಾಗುವುದಿಲ್ಲ. EPFO ​​ಸದಸ್ಯ ಸೇವಾ ಪೋರ್ಟಲ್‌ಗೆ ಭೇಟಿ ನೀಡುವ ಮೂಲಕ ವರ್ಗಾವಣೆ ಪ್ರಕ್ರಿಯೆಯನ್ನು ಪ್ರಾರಂಭಿಸಬೇಕು.ಹಳೆಯ ಖಾತೆಯಲ್ಲಿ ಹಣ ಜಮಾ ಆಗಿದ್ದರೆ ಸಾರ್ವತ್ರಿಕ ಖಾತೆ ಸಂಖ್ಯೆ (UAN) ಹಾಗೆಯೇ ಇರುತ್ತದೆ. ಆದರೆ, ಅನೇಕ ಜನರು ಈ ಪ್ರಕ್ರಿಯೆಯನ್ನು ಮರೆತುಬಿಡುತ್ತಾರೆ. ಹಳೆಯ ಖಾತೆಯಲ್ಲಿನ ಮೊತ್ತದ ಮೇಲೆ ಕೂಡಾ ಬಡ್ಡಿ ಸಿಗುತ್ತದೆ ಎನ್ನುವ ಭಾವನೆ ಅನೇಕರದ್ದಾಗಿರುತ್ತದೆ.

ಇದನ್ನು ಓದಿ: EPFO ನಿಂದ ಹೆಚ್ಚಿನ ಹಣವನ್ನು ಗಳಿಸುವ ರಹಸ್ಯ ಮಾರ್ಗವನ್ನು ನೀವು ಇಲ್ಲಿ ತಿಳಿದುಕೊಳ್ಳಬಹುದು. ಈ  ವಿಧಾನ ಬಹುತೇಕ ಮಂದಿಗೆ ತಿಳಿದಿರುವುದಿಲ್ಲ.

ಹಳೆಯ ಖಾತೆಗೆ ಬಡ್ಡಿ ಪಾವತಿಸಲಾಗುವುದೇ ?: 

ಮೊದಲ ಮೂರು ವರ್ಷಗಳವರೆಗೆ ಮಾತ್ರ ಹಳೆಯ ಖಾತೆಗೆ ಬಡ್ಡಿ  ಸಿಗುತ್ತದೆ. ಇಪಿಎಫ್‌ಒ ನಿಯಮಗಳು ಖಾತೆಯು ನಿಷ್ಕ್ರಿಯವಾಗಿದ್ದರೆ ಕೊನೆಯ ಠೇವಣಿಯ ನಂತರ 36 ತಿಂಗಳವರೆಗೆ ಬಡ್ಡಿ ಸಿಗುತ್ತದೆ ಎಂದು ಹೇಳಿದೆ. ಮೂರು ವರ್ಷಗಳ ಕಾಲ ಖಾತೆಯಲ್ಲಿ ಹೊಸ ಹಣವನ್ನು ಠೇವಣಿ ಮಾಡದಿದ್ದರೆ ಅಥವಾ ಕೆಲಸವನ್ನು ತೊರೆದರೆ  ಖಾತೆಯು ನಿಷ್ಕ್ರಿಯವಾಗುತ್ತದೆ. ಇದಾದ ನಂತರ ಬಡ್ಡಿ ಸಿಗುವುದು ನಿಲ್ಲುತ್ತದೆ.

2024-25ನೇ ಹಣಕಾಸು ವರ್ಷದಲ್ಲಿ ಇಪಿಎಫ್ ಬಡ್ಡಿದರ 8.25%. ಆದರೆ ನಿಮ್ಮ ಹಳೆಯ ಖಾತೆಯನ್ನು ವರ್ಗಾಯಿಸದಿದ್ದರೆ, ಮೂರು ವರ್ಷಗಳ ನಂತರ ಬಡ್ಡಿ ಸಿಗದೆ ಹೆಚ್ಚಿನ ಆದಾಯವನ್ನು ಗಳಿಸುವ ಅವಕಾಶವನ್ನು ಕಳೆದುಕೊಳ್ಳುತ್ತೀರಿ. ಹಳೆಯ ಖಾತೆಯನ್ನು ವರ್ಗಾಯಿಸದಿದ್ದರೆ ಆ ಹಣ ನಿಷ್ಕ್ರಿಯವಾಗುತ್ತದೆ.ಈ ಸಮಯದಲ್ಲಿ, ನಿಮ್ಮ ಹೊಸ ಉದ್ಯೋಗದಾತರು ಹೊಸ ಖಾತೆಗೆ ಜಮಾ ಮಾಡುತ್ತಿದ್ದರೆ, ಆದರೆ ಹಳೆಯ ಖಾತೆಯಲ್ಲಿರುವ ಹಣವು ಸಿಲುಕಿಕೊಳ್ಳುತ್ತದೆ. ಇದರಿಂದಾಗಿ ನೀವು ಚಕ್ರಬಡ್ಡಿಯ ಪ್ರಯೋಜನವನ್ನು ಕಳೆದುಕೊಳ್ಳುತ್ತೀರಿ. ಇದಲ್ಲದೆ, ಹಳೆಯ ಖಾತೆಯಲ್ಲಿ KYC, ಬ್ಯಾಂಕ್ ಖಾತೆ ಅಥವಾ ಆಧಾರ್ ಅನ್ನು ನವೀಕರಿಸದಿದ್ದರೆ ಹಣವನ್ನು ಹಿಂಪಡೆಯುವಲ್ಲಿ ಸಮಸ್ಯೆ ಉಂಟಾಗಬಹುದು.

ಏನು ಮಾಡಬೇಕು? : 

ನೀವು ನಿಮ್ಮ ಕೆಲಸವನ್ನು ಬದಲಾಯಿಸಿದರೆ, ಸಾಧ್ಯವಾದಷ್ಟು ಬೇಗ ನಿಮ್ಮ ಇಪಿಎಫ್ ಖಾತೆಯನ್ನು ವರ್ಗಾಯಿಸಬೇಕು. ಈ ಪ್ರಕ್ರಿಯೆಯನ್ನು ಆನ್‌ಲೈನ್‌ನಲ್ಲಿ ತುಂಬಾ ಸುಲಭವಾಗಿ ಮಾಡಬಹುದು. ನೀವು UAN ಮತ್ತು ಆಧಾರ್‌ನೊಂದಿಗೆ EPFO ​​ಪೋರ್ಟಲ್‌ಗೆ ಲಾಗಿನ್ ಆಗುವ ಮೂಲಕ ವರ್ಗಾವಣೆಗೆ ಅರ್ಜಿ ಸಲ್ಲಿಸಬಹುದು. ಇದರೊಂದಿಗೆ, ನಿಮ್ಮ ಎಲ್ಲಾ ಹಣವು ಒಂದೇ ಖಾತೆಗೆ ಸೇರುವುದರಿಂದ ಬಡ್ಡಿ ಸಿಗುತ್ತಲೇ ಇರುತ್ತದೆ. ಸಕಾಲಿಕ ವರ್ಗಾವಣೆಯೊಂದಿಗೆ,  ಉತ್ತಮ ಆದಾಯವನ್ನು ಪಡೆಯಬಹುದು ಮತ್ತು ನಿವೃತ್ತಿಗಾಗಿ ಹೆಚ್ಚಿನ ಹಣವನ್ನು ಉಳಿಸಬಹುದು. 

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ