ನೀವು ಕರ್ನಾಟಕ ಸರ್ಕಾರಿ ಉದ್ಯೋಗ ಆಕಾಂಕ್ಷಿಗಳಾಗಿದ್ದಲ್ಲಿ ಈ ಅಪ್‌ಡೇಟ್‌ ತಿಳಿದುಕೊಳ್ಳಲೇಬೇಕು. ಸರ್ಕಾರಿ ಉದ್ಯೋಗಕ್ಕಾಗಿಯೇ ಕಾದು ಕುಳಿತಿರುವವರು ಮುಂದಿನ ದಿನಗಳಲ್ಲಿ ಸರ್ಕಾರಿ ಉದ್ಯೋಗದ ಅಧಿಸೂಚನೆಗಳ ಭವಿಷ್ಯ ಏನು ಎಂಬುದನ್ನು ಸರ್ಕಾರ ತಿಳಿಸಿದೆ. ಹಾಗೆಯೇ ಸರ್ಕಾರಿ ಅಧಿಸೂಚನೆಗಳಿಗೆ ಏನೆಲ್ಲ ಸವಾಲುಗಳಿವೆ ಎಂದು ಸಹ ಮಾಹಿತಿ ಇಲ್ಲಿದೆ.
ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ವಾಟ್ಸಾಪ್ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ ಕರ್ನಾಟಕ ರಾಜ್ಯದಲ್ಲಿ ಪ್ರಸ್ತುತದ ಕಾಂಗ್ರೆಸ್‌ ಸರ್ಕಾರ ಈಗಾಗಲೇ ಹಲವು ಇಲಾಖೆಗಳ ಹುದ್ದೆಗಳನ್ನು ನೇರ ನೇಮಕಾತಿ ಮಾಡಿಕೊಳ್ಳಲು ಗ್ರೀನ್‌ ಸಿಗ್ನಲ್‌ ನೀಡಿದೆ. ಅದಕ್ಕೆ ಸಂಬಂಧ ಕೆಪಿಎಸ್‌ಸಿ ಹಾಗೂ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರಗಳಿಗೆ ಸಂಬಂಧಿತ ಇಲಾಖೆಗಳು ಸಹ ನೇಮಕ ಪ್ರಸ್ತಾವನೆಯನ್ನು ನೀಡಿವೆ. ಆದರೆ ಈ ನೇಮಕ ಪ್ರಾಧಿಕಾರಗಳು ಸೇರಿದಂತೆ ಪೊಲೀಸ್‌ ಇಲಾಖೆಯ ಹುದ್ದೆಗಳಿಗೂ ಸಹ ಈ ಎರಡು ವರ್ಷದಲ್ಲಿ ಯಾವುದೇ ನೇಮಕ ಪ್ರಕಟಣೆಗಳು ಆಗಿಲ್ಲ. ಇತ್ತ ವಯಸ್ಸಿನ ಅರ್ಹತೆ ಮೀರುತ್ತಿರುವ ಲಕ್ಷಾಂತರ ಅಭ್ಯರ್ಥಿಗಳು ಪೊಲೀಸ್‌ ಇಲಾಖೆ ಹುದ್ದೆಗಳು, ಶಿಕ್ಷಕ ಹುದ್ದೆಗಳಿಗೆ ಆಸಕ್ತಿ ಹೊಂದಿದ್ದು ಸ್ಪರ್ಧಾತ್ಮಕ ಪರೀಕ್ಷೆಗೆ ಓದುತ್ತಿದ್ದವರು ಈಗ ಆತಂಕದಲ್ಲಿದ್ದಾರೆ. ಜತೆಗೆ ಈಗ ಇತ್ತೀಚಿನ ಈ ಮಾಹಿತಿಯನ್ನು ಕೇಳಿದ್ರೆ ಇದು ಇನ್ನಷ್ಟು ಕಹಿ ಸುದ್ದಿಯೇ ಆಗಿದೆ. ಪ್ರಸ್ತುತ ರಾಜ್ಯ ರಾಜಕಾರಣದಲ್ಲಿ ಜಾತಿ ಸಮೀಕ್ಷೆ ವರದಿ ಹೆಚ್ಚು ಸದ್ದು ಮಾಡುತ್ತಿದೆ. ಇದರ ಬೆನ್ನಲ್ಲೇ ವಿರೋಧ ಪಕ್ಷಗಳು, ಜಾತಿ ಜಾತಿ ಸಂಘಟನೆಗಳು ರೊಚ್ಚಿಗೆದ್ದು, ಜಾತಿ ವರದಿ ಬಿಡುಗಡೆ ಮಾಡಲು ವಿರೋಧ ವ್ಯಕ್ತಪಡಿಸುತ್ತಿವೆ. ಇತ್ತ ಸರ್ಕಾರದಲ್ಲಿರುವವರು "ತೆಲಂಗಾಣದಲ್ಲಿ ಒಳಮೀಸಲು ಜಾರಿಯಾದಂತೆ ಕರ್ನಾಟಕದಲ್ಲೂ ಜಾರಿ ಆಗಲಿದೆ. ಅಲ್ಲಿ ತನಕ ಯಾವುದೇ ನೇಮಕ ಮಾಡುವುದಿಲ್ಲ ಎಂದು' ಹೇಳಿದ್ದಾರೆ. ಇತ್ತೀಚೆಗೆ ಸಹಕಾರ ಸಚಿವ ಕೆ.ಎನ್.ರಾಜಣ್ಣ ಈ ಕುರಿತು ಹೇಳಿದ್ದು, ಸರ್ಕಾರಿ ಉದ್ಯೋಗ ಆಕಾಂಕ್ಷಿಗಳಿಗೆ ಇನ್ನಷ್ಟು ತಲೆ ಬಿಸಿ ಮಾಡಿದೆ. ಮಂಗಳವಾರ ಸುದ್ದಿಗಾರರೊಂದಿಗೆ ಮಾತನಾಡಿ ' ಎರಡು ತಿಂಗಳಲ್ಲಿ ಒಳ ಮೀಸಲು ಜಾರಿ ಆಗಲಿದೆ ಸಹ ಎಂದು ಹೇಳಿದ್ದಾರೆ. ಆದರೆ ವಿರೋಧ ಪಕ್ಷಗಳು ಮಾತ್ರವಲ್ಲದೇ, ಜಾತಿ ಸಂಘಟನೆಗಳು ಸಹ ಈ ಜಾತಿ ವರದಿಗೆ ವಿರೋಧ ವ್ಯಕ್ತಪಡಿಸುತ್ತಿರುವ ಹಿನ್ನೆಲೆಯಲ್ಲಿ ಒಳಮೀಸಲು ಜಾರಿ, ಜಾತಿ ವರದಿ ಬಿಡುಗಡೆ ಕಾರ್ಯವು ಎಲ್ಲಿಗೆ ಬಂದು ನಿಲ್ಲುವುದೋ ಎಂಬದು ಯಾರಿಗೂ ತಿಳಿಯದ ವಿಷಯವಾಗಿದೆ. ಆದ್ದರಿಂದ ಈ ಸರ್ಕಾರಿ ಹುದ್ದೆಗಳಿಗೆ ಕಾದು ಕಾದು, ಓದುತ್ತಿರುವ ಆಕಾಂಕ್ಷಿಗಳ ಕಥೆ ಯಾರಿಗೂ ಹೇಳತೀರದಾಗಿದೆ. ಕರ್ನಾಟಕ ಸರ್ಕಾರದ ವಿವಿಧ ಇಲಾಖೆಗಳಲ್ಲಿ ಖಾಲಿ ಇರುವ ಗ್ರೂಪ್‌ ಬಿ, ಗ್ರೂಪ್‌ ಸಿ ಹುದ್ದೆಗಳಿಗೆ 2024ನೇ ಸಾಲಿನಿಂದಲೂ ಸಹ ಕೆಪಿಎಸ್‌ಸಿ ಹಾಗೂ ಕೆಇಎ ನೇಮಕಾತಿ ಪರೀಕ್ಷಾ ಪ್ರಾಧಿಕಾರಗಳು ಹಲವು ನೇಮಕ ಪ್ರಸ್ತಾವನೆಗಳನ್ನು ಸ್ವೀಕರಿಸಿವೆ. ಒಂದು ವೇಳೆ ಒಳಮೀಸಲು ಜಾರಿಯ ಉದ್ದೇಶ ಮುನ್ನೆಲೆಗೆ ಬರದಿದ್ದಲ್ಲಿ ಇಷ್ಟೊತ್ತಿಗೆ ಈ ಕೆಳಗಿನ ಹುದ್ದೆಗಳಿಗೆ ನೇರ ನೇಮಕಾತಿ ಅಧಿಸೂಚನೆಗಳು ಬಿಡುಗಡೆ ಆಗಬೇಕಿತ್ತು. ನೇಮಕ ಪ್ರಕ್ರಿಯೆಗಳು ಈಗಾಗಲೇ ಚಾಲ್ತಿಯಲ್ಲಿರಬೇಕಿತ್ತು. ಆ ಹುದ್ದೆಗಳು, ಇಲಾಖೆಗಳ ವಿವರ ಕೆಳಗಿನಂತಿದೆ ನೋಡಿ. ಕೆಇಎ ಈ ಕೆಳಗಿನ 5 ಸಂಸ್ಥೆ / ಮಂಡಳಿ / ಪ್ರಾಧಿಕಾರಗಳ ಒಟ್ಟು 2,609 ಹುದ್ದೆಗಳಿಗೆ ಸಂಕ್ಷಿಪ್ತ ಅಧಿಸೂಚನೆ ಪ್ರಕಟಿಸಿತ್ತು. ಹಾಗೂ ಮುಂದಿನ ದಿನಗಳಲ್ಲಿ ವಿವರವಾದ ಅಧಿಸೂಚನೆ ಪ್ರಕಟಿಸಿ, ನಂತರ ಅರ್ಜಿ ಸ್ವೀಕಾರ ಮಾಡಲಾಗುವುದು ಎಂದು ಕಳೆದ 2024 ರಲ್ಲಿಯೇ ಹೇಳಿತ್ತು. ಆದರೆ ಒಳಮೀಸಲಾತಿ / ವರ್ಗೀಕರಣ / ಪರಿಷ್ಕರಣೆ ಎಂಬ ಕಾರಣಗಳಿಂದ ಅಧಿಕೃತ ಅಧಿಸೂಚನೆ ಬಿಡುಗಡೆ ಆಗಿಲ್ಲ. ಹಾಗೆಯೇ ಇಲ್ಲಿ ಕೆಪಿಎಸ್‌ಸಿ'ಗೂ ಹಲವು ನೇಮಕ ಪ್ರಸ್ತಾವನೆಗಳು ಬಂದಿವೆ. ಆ ಹುದ್ದೆಗಳ ಮಾಹಿತಿಯನ್ನು ಸಹ ಕೆಳಗಿನಂತೆ ತಿಳಿಸಲಾಗಿದೆ. ರಾಜೀವ್ ಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯದ - ಸಹಾಯಕ, ಗ್ರಂಥಪಾಲಕ, ಜೂನಿಯರ್ ಪ್ರೋಗ್ರಾಮರ್, ಸಹಾಯಕ ಇಂಜಿನಿಯರ್, ಸಹಾಯಕ, ಕಿರಿಯ ಸಹಾಯಕ ಹುದ್ದೆಗಳು: 44
ವಾಯುವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ - ಸಹಾಯಕ ಆಡಳಿತಾಧಿಕಾರಿ, ಲೆಕ್ಕಾಧಿಕಾರಿ, ಕಲ್ಯಾಣಾಧಿಕಾರಿ, ಕಾನೂ ಅಧಿಕಾರಿ, ಇತರೆ ವೃಂದದ ಹುದ್ದೆಗಳು: 750 ಕರ್ನಾಟಕ ಸೋಪ್ಸ್‌ ಅಂಡ್ ಡಿಟರ್ಜೆಂಟ್ಸ್‌ ಲಿಮಿಟೆಡ್‌ನ - ಅಧಿಕಾರಿ, ಕಿರಿಯ ಅಧಿಕಾರಿ, ಮಾರಾಟ ಪ್ರತಿನಿಧಿ, ಕಿರಿಯ ಮಾರಾಟ ಪ್ರತಿನಿಧಿ ಹುದ್ದೆಗಳು: 38
ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ- ಸಹಾಯಕ ಲೆಕ್ಕಿಗ, ನಿರ್ವಾಹಕ ಹುದ್ದೆಗಳು: 1752
- ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರದ - ಪ್ರಥಮ ದರ್ಜೆ ಸಹಾಯಕ, ದ್ವಿತೀಯ ದರ್ಜೆ ಸಹಾಯಕ ಹುದ್ದೆಗಳು: 25
- ಅಗ್ನಿಶಾಮಕ ಇಲಾಖೆಯಲ್ಲಿನ 66 ಅಗ್ನಿಶಾಮಕ ಅಧಿಕಾರಿಗಳು, ಇತರೆ ಸೇರಿ 1,488 ಹುದ್ದೆಗಳು.
- ಸಣ್ಣ ನೀರಾವರಿ ಇಲಾಖೆಯಲ್ಲಿನ ಅಸಿಸ್ಟಂಟ್ ಎಕ್ಸಿಕ್ಯೂಟಿವ್ ಇಂಜಿನಿಯರ್, ಅಸಿಸ್ಟಂಟ್ ಇಂಜಿನಿಯರ್, ಜೂನಿಯರ್ ಇಂಜಿನಿಯರ್, ಪ್ರಥಮ ದರ್ಜೆ ಸಹಾಯಕರು, ಎಫ್‌ಡಿಎಎ, ದ್ವಿತೀಯ ದರ್ಜೆ ಸಹಾಯಕರು ಎಸ್‌ಡಿಎಎ, ಸ್ಟೆನೋಗ್ರಾಫರ್, ಡ್ರೈವರ್, ಕುಕ್, ಪೀವನ್, ವಾಚ್‌ಮನ್ ಹುದ್ದೆಗಳು.
- ಅಬಕಾರಿ ಇಲಾಖೆಯ 265 ಅಬಕಾರಿ ಸಬ್‌ಇನ್ಸ್‌ಪೆಕ್ಟರ್ ಮತ್ತು 942 ಕಾನ್ಸ್‌ಟೇಬಲ್ ಹುದ್ದೆಗಳು.
- 5267 ಸರ್ಕಾರಿ ಪ್ರಾಥಮಿಕ ಮತ್ತು ಪ್ರೌಢ ಶಾಲಾ ಶಿಕ್ಷಕರ ಹಾಗೂ 820 ವಸತಿ ಶಾಲೆ ಮತ್ತು 50 ಕಂಪ್ಯೂಟರ್ ಶಿಕ್ಷಕರ ಹುದ್ದೆಗಳು.
- ವಸತಿ ಶಾಲೆಗಳಲ್ಲಿನ ಶಿಕ್ಷಕರು, ಪ್ರಾಂಶುಪಾಲರು, ಎಫ್‌ಡಿಎ ಕಮ್ ಕಂಪ್ಯೂಟರ್ ಆಪರೇಟರ್ ಹುದ್ದೆಗಳು.
- ಸಂಚಾರಿ ವಿಭಾಗದ ಆರ್‌ಟಿಒ ಇನ್ಸ್‌ಪೆಕ್ಟರ್, ಎಸ್‌ಡಿಎ, ಎಫ್‌ಡಿಎ, ಜೆಇ ಮತ್ತು ಎಇಇ ಹುದ್ದೆಗಳು.
- 650 ಅಸಿಸ್ಟಂಟ್ ಪ್ರೊಫೆಸರ್, 1200 ಸ್ಟಾಫ್‌ ನರ್ಸ್‌ ಹುದ್ದೆಗಳು.
- ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ 14, 523 ಹುದ್ದೆಗಳು
- ಪಂಚಾಯತ್ ರಾಜ್ ಇಲಾಖೆಯಡಿಯ ಗ್ರಾಮ ಪಂಚಾಯ್ತಿಗಳಲ್ಲಿ ಬಿಲ್ ಕಲೆಕ್ಟರ್, ಕ್ಲರ್ಕ್ ಕಮ್ ಡಾಟಾ ಎಂಟ್ರಿ ಆಪರೇಟರ್, ಇತರೆ ಹುದ್ದೆಗಳು.
- ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯ 150 ಬಿಸಿಎಂ ಹಾಸ್ಟೆಲ್‌ಗಳ ಮೇಲ್ವಿಚಾರಕರು ಹುದ್ದೆಗಳು.
- ಉನ್ನತ ಮೂಲಗಳ ಪ್ರಕಾರ ವಾಣಿಜ್ಯ ಇಲಾಖೆಯಲ್ಲಿ 500 ಕ್ಕೂ ಹೆಚ್ಚು ಎಫ್‌ಡಿಎ ಹುದ್ದೆಗಳಿದ್ದು, ಎಸ್‌ಡಿಎ ಹುದ್ದೆಗಳು ಸೇರಿ 700 ಕ್ಕೂ ಅಧಿಕ ಹುದ್ದೆಗಳು.
- ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ
- ಕೃಪೆ: ವಿಜಯ ಕರ್ನಾಟಕ
